Gidul-it pagpusil; ngipon napupo

Nangapupo ang lima ka ngipon sa usa ka lalaki human kini dul-iti og pusil lima ka higayon sa ulo ug buko-buko sa paryente sa iyang asawa niadtong milabay'ng Lunes sa hapon diha sa Barangay Ibabaw lungsod sa Cordova.

Nakabsan gyud sa kinabuhi nga midangat sa tambalanan ang biktimang si Timoteo Mendez, 36, minyo, istambay sa maong lugar human kini dul-iti og pusil ni Orlex Ando,22, ulitawo ug istambay sa maong lugar.

Sigun pa ni PO3 Allan Maglangit sa Banat News ang biktima niadtong Sabado nakasakop sa suspek nga misuyop og shabu maong iya kining gibadlong sa paghunong na sa maong bisyo.

Wala magtuo ang biktima nga nagdumot kaniya ang suspek gumikan sa pagtambag.

Niadtong Lunes sa gabii kasamtangang naglingkod ang biktima uban sa silingang si Franc Nillas kalit nga miabot ang suspek diha sa may bintana ug kalit lang milanit og armas de fuego dayong dul-it og pusil sa ulo sa biktima lima ka higayon, apan usa lang sa ulo ang miigo ug duha sa buko-buko.

Daling milayas ang suspek sa ilang dapit ug kasamtangan na karong gipangita sa kapolisan sa Cordova.