Fake tour guides gi-monitor

Bohol - Gibantayan karon sa kadagkuan sa Department of Tourism inabagan sa kapolisan kadtong mga peke nga tour guide pagseguro nga mahatagan sa igong proteksyon ang mga turista.

Si Secretary Joseph Ace Durano sa DOT miluwat niining maong kamanduan human ang iyang buhatan makadawat og reklamo bahin sa mga nagpatuong mga tour guides.

Matud pa ni Durano nga gikinahanglan gayod maseguro nga ang mga turista nakakuha sa serbisyo sa mga lisensyadong tour guides.

Gipasabot ni Durano nga kini gikinahanglan gayud kaayo aron maseguro nga luwas ang mga turista samtang kini nagsuroy-suroy sa nagkalain-laing dapit sa nasud.

Nahibaw-an hinoon nga sagad sa mabiktima niini mao kadtong mga turista nga muabot dinhi sa nasud nga wala mukuha sa serbisyo sa mga travel agency didto sa ilang dapit.

Nangayo usab og tabang ang DOT sa kapolisan kabahin niining maong kampanya. Q