Parehong milandig sa tambalanan mao sila si Joselito Tabada, 27, ug Tito Tabada, 29, pulos mga molupyo sa dalan F.Llamas sa samang barangay human sila pamusila sa bitiis sa silingan sa babayeng gipamisitahan ni Tito nga si Dennis Alvarado.
Sigun pa sa imbestigasyon sa kapolisan ang duruha nagkuyog sa pagpamisita, samtang si Tito ug uyab niini nag-istoryahay kalit nga miabot ang suspek ug walay daghang rason gipamusil ang ilang mga bitiis.
Si Tito naigo diha sa iyang tuong bitiis samtang si Joselito diha usab sa iyang walang bitiis, ang duha daling gidala sa Cebu City Medical Center samtang si Alvarado daling miikyas sa maong lugar.
Gisusi pa karon sa kapolisan kun unsay motibo sa suspek sa iyang pagpamusil apan gituohang may kalambigitan kini sa relasyon sa manag-uyab.