Ang nadakpan mao sila si Avel Arabis, 25 ug ang manghod niining lalaki nga si Alvin Arabis, 18 anyos, ulitawo nga nagpuyo sa barangay Santa Rosa sa nahisgotang isla.
Nagtingkagol na karon sa sulod sa detention cell sa Lapu-Lapu Police Station ang duha ka dinakpan ug gihikay na ang kaso batok kanila nga kalapasan sa Republic Act 9165 kun Comprehensive Dangerous Drug Act of 2002.
Kuyog sa kapolisan sa maong siyudad ang team sa Philippine Drug Enforcement Agency (PDEA-7) sa pagronda nga ilang gipahigayon pinaagi usab sa search warrant nga giluwatan ni Judge Jesus dela Peña sa Regional Trial Court (RTC-7) nga nagbase sa maong siyudad.
Gihimo ang maong pagpangronda human usab sa pipila ka semana nga pagpaniid sa ilegal nga kalihukan sa managsuon kinsa gikatahapang maoy tigbaligya og shabu ngadto sa mga batan-on sa kabarangayan sa nahisgotang isla.