Sugyot ni Arroyo nga Charter change tukion

Bohol - Gikatakda nga mupatawag og tigum si Gobernador Erico Aumentado sa mga gobernador sa Kabisay-an aron tukion ang gisugyot ni Presidente Gloria Macapagal Arroyo nga Charter Changer.

Gawas sa mga Gobernador sa Kabisay-an gipaabot usab nga muhimo og konsultasyon si Gobernador Aumentado sa mga gobernador gikan sa Mindanao og Luzon.

Si Gobernador Aumentado nga mao karon ang presidente sa liga sa mga gobernador sa tibuok nasod miingon nga ang tinguha ni Presidente Arroyo nakakuha gayod og suporta sa kinabag-an.

Apan gitataw hinoon sa gobernador nga angayan pa gayod tukion nila pag-ayo kon unsa nga klase nga pangagamhanan ang ilang angayan nga paboran nga maoy tinud-anay nga maghatag sa kalambuan sa nasud.

Malaumon si Aumentado nga makaumol sila og maayong huna-huna kalabot niini.

Si Presidente Arroyo sa iyang State of the Nation Address kon SONA mibutyag nga mao na karon ang panahon nga kinahanglan tukion na sa mga magbabalaod sa ubos balay balauranan og senado ang Charter Change.