Hotels kulang

Tagbilaran City - Giangkon sa mga opisyal ning dakbayan nga gikinahanglan gayod kaayo nga masulbad kining pagkulang sa mga hotel sa dakbayan nga kapuy-an sa mga bisita ilabi na gayod sa mga turista.

Si Gobernador Erico Aumentado mipahibawo nga usa kini sa iyang nakita nga angayang mahatagan sa igong pagtagad nga problema.

Matod pa ni Aumentado nga ang kagamhanan sa probinsya mipalapad sa ilang pagdani sa mga turista nga langyaw nga muduaw sa probinsya.

Sa miaging mga buwan ang probinsya maoy giila nga lugar diin nagpanon ang mga turista.

Giila usab ang probinsya nga nag-una sa tibuok kabisay-an nga adunay mga miduaw nga turista.