Frat gibantayan

Tagbilaran - Nagpadayon karon ang kapolisan ning dakbayan sa ilang gihimong pagpaniid sa kalihukan sa mga batan-on nga nalambigit sa kalihukan ilabi na gayod sa fraternity.

Mao kini ang nasayran sa Banat News sa tinguha nga masanta ang si bisan kinsa nga mga batan-on nga mohimo og dili maayo.

Wala pa hinoon makonpirmar kon mga miyembro ba sa fraternity kining mga batan-on nga nalambigit sa maong kalihukan.

Midugang si Superintendent Ernesto Agas, hepe sa kapolisan sa dakbayan nga mao kini karon ang nasentro sa ilang pagbantay.

Nagkanayon si Agas nga si Mayor Dan Neri Lim miluwat og kamanduan ngadto sa iyang mga sakop nga kinahanglan gayod nga mopalapad sila sa maong pagbantay.

Gipasabot ni Agas nga kinahanglan gayod nga masegurong luwas ang mga batan-on ug masanta kon adunay mga batan-on nga nagpasakop sa fraternity.