Sandugo andam na

Tagbilaran City - Dako ang pagtuo sa mga opisyal ning dakbayan ingon man sa tibuok probinsya sa Bohol nga mudaghan ang mga bisita nga mutambong sa tinuig nga kalihukan karong umaabot Domingo sa Sandugo Festival.

Si Mayor Dan Neri Lim ning dakbayan ingon man si Gobernador Erico Aumentado mibutyag niini human usab nila gipahibawo nga hingpit na ang pagpangandam sa dako nga kalihukan.

Gitahasan karong tuiga sa pagpangandam sa maong kalihukan mao ang mga opisyal sa Sandugo Foundation nga ubos sa pagdumala ni Loy Palapos.

Matud pa ni Gobernador Aumentado nga gipaningkamotan nila pag-ayo nga ang kalihukan karong adlawa salmutan gayud sa kinabag-an nga katawhan.

Wala pa hinoon masayri hangtod sa paghikay ning balita kon si kinsa ang pinasidunggan nga dinapit atul sa maong dakong kalihukan.

Ang Sandugo Festival usa ka dakong kalihukan pagtimaan sa pagpatulo og dugo tali ni Datu Sikatuna ingon man ni Fernando Lopez de Legaspi nga nagtimaan sa paghigalaay.