Sumala kang fire chief Felipe Canillas sa Talisay Fire Department nga ang trabaho sa TCRD mao ang pagluwas sa mga tawong masirad-an sa kayo sa usa ka edipisyo o lugar nga libotan na sa kayo.
Matud pa ni Canillas nga ang mahimong miyembro niini bansayon pag-ayo sa tanang paagi pagrescue sa mga tawong matanggong sa kayo.
Kini aron kalikayan nga dili na mahitabo niadtong mga tawong makabsan na sa agianan sa panahon nga may sunog sa usa ka dapit.
Dugay nang naglaraw ang kabomberohan sa Talisay niini apan gumikan sa kakuwang sa mga kahimanan ug sa mamahimong sakop niini, nalangan ang maong plano.
Apan miingon si Canillas nga mahimo ra kaayong magpili og mga kawani sa city hall nga dili bombero nga mahimong sakop ning TCRD.