Tabang alang mango growers

Biliran - Gipaningkamotan karon sa mga opisyal ning probinsya nga matabangan ang mga mag-uuma ilabi na gayud niadtong nagsalig sa pagtanom og mangga.

Si Gobernador Rogelio Espina mao karon ang nangulo aron sa ingon matabangan nga muabunda ang abot sa mga mag-uuma nga nagsalig sa pagtanom og mangga.

Midugang ang gobernador nga nakita niya nga adunay mga mag-uuma nga mitanom og mangga apan nagkinahanglan kini og tabang gikan sa kagamhanan.

Gisangonan usab ni Gobernador Espina ang mga tinugyanan sa Provincial Agricultural Services sa pagpatuman sa iyang giluwatan nga kamanduan sa pagpatuman sa hingpit sa maong programa.

Sa miaging tuig gilusad sa kagamhanan sa probinsya ang programa nga "Pabungan sa Mangga Para sa Masa".

Ubos sa programa ang kagamhanan muhatag og magtudlo sa mga mag-uuma sa binag-ong paagi sa pagtanom og mangga.