Visayas Rep gipanalipdan

Bohol - Gipanalipdan ni Gobernador Erico Aumentado ang ilang tinguha nga matukod ang laing republika sa Kabisay-an taliwa sa sitwasyon karon nga nanghitabo sa nasud sa padayon nga hulga sa administrasyon ni Presidente Gloria Macapagal-Arroyo.

Nagkanayon si Aumentado nga tinguha nila nga mapaabot ang mensahe ngadto sa mga haligi sa oposisyon sa kaulohan nga sinsero sila sa maong tinguha.

Matud pa ni Aumentado nga makabarog ang Kabisay-an og dili angayan nga magsalig sa kaulohan.

Midugang si Aumentado nga mao kini ang angayan nga huna-hunaon sa mga tawo nga nagtinguha nga si Presidente Arroyo palagputon sa katungdanan.

Gipasabot sa gobernador nga nagkahiusa karon ang sentimento sa mga gobernador sa Kabisay-an paglain sa kaulohan.

Giangkon hinuon ni Aumentado nga magsubay pa kini sa taas nga proseso.