Tabang sa mananagat

Southern Leyte - Giangkon ni Gobernador Rosette Lerias ning probinsya nga gikinahanglan gayud nga hatagan og ayuda kadtong mga mangingisda nga nagsalig sa ilang panginabuhian sa kadagatan.

Kini samtang gipasabot usab niya nga angayan palapdan pag-ayo ang tabang sa nasudnong kagamhanan ngadto sa mga mag-uuma.

Si Gobernador Lerias mipadayag niini human niya makita nga maoy angayan tutokan sa pagka karon ang tabang ngadto sa mga mag-uuma ingon man sa mga mangingisda.

Nakita sa gobernador nga kon matabangan lang ang mga mag-uuma ingon man mga mangingisda dako gayud kaayo kini nga tabang ngadto kanila.

Midugang si Lerias nga ang mga ahensya sa kagamhanan nga natungdan kinahanglan gayud nga muhimo na karon sa ilang padayon nga gimbuhaton.

Nahibaw-an nga kinabag-an sa mga mulopyo ning probinsya nagsalig sa ilang pagpanguma ingon man sa ilang pagpangisda.