Ayuda alang mag-uuma

Bohol - Gisugyot sa dakong opisyal sa rehiyonal nga buhatan sa Department of Agriculture nga angayan pahimuslan sa mga mag-uuma ang ayuda sa bangko nga gitanyag kanila.

Si Regional Director Eduardo Lecciones sa DA-7 miingon nga adunay daghang mga tanyag sa bangko ug uban pang buhatan nga angayan pahimuslan sa katawhan ilabi na gayud sa mga mag-uuma.

Kini nga ayuda adunay pagpaluyo sa nasudnong kagamhanan.

Hinuon si Lecciones miingon nga angayan ang mga mag-uuma mutan-aw usab sa ilang obligasyon.

Midugang si Lecciones nga ang mga mag-uuma kon dili mutan-aw sa ilang obligasyon sila usab ang maproblema.

Nagkanayon si Lecciones nga dili siya gusto nga mahitabo ang kaniadto nga kasinatian.