Daghang bisita gilauman alang Sandugo

Tagbilaran City - Gilauman sa mga organizer sa Sandugo Festival karong tuiga nga mudaghan ang mga bisita sa pagpahigayon sa kalihukan karong umaabot nga Hulyo 24.

Si Gobernador Erico Aumentado mibutyag niini sa dihang mihimo kini sa pakigtagbo nila ni Mayor Dan Neri Lim ug mga opisyal sa dakbayan.

Matud pa ni Gobernador Aumentado nga gikinahanglan gayud kaayo nga muhimo sila sa pagpangandam sa ingon matubag ang panginahanglan sa mga bisita.

Midugang si Aumentado nga gipaabot nila nga adunay mga balikbayan nga mutuyo pagsaksi sa kalihukan karong sunod semana.

Matud pa ni Aumentado nga ang Sandugo Festival nahimo karon nga inila dili lang sa tibuok nasud kon dili sa laing nasud.

Kini nga programa gipaluyohan sa liderato sa Department of Tourism.

Hinuon bisan pa man sa nanghitabo karon sa kaulohan si Gobernador Aumentado miingon nga dili kini makabalda sa ilang gihimong pagpangandam.

Ang mga opisyal sa dakbayan sa Tagbilaran pinangulohan ni Mayor Dan Neri Lim mihimo na usab karon sa ilang pagtabang sa gihimong pagpangandam.