5-anyos gibitay sa papa

Usa ka 5-anyos nga batang babaye gibun-og ug gibitay nga gisulod og sako sa iyang amahan sa miaging buntag sa Bantayan sa hari, Looc, Mandaue.

Gidakop sa Mobile Patrol Unit sa Mandaue si Jerry Alburo, 35, human nasakpan sa akto nga mibun-og sa iyang anak. Ang anak ni Alburo nagminatay sa paghilak sa dihang naabot ang kapolisan.

Sila si PO2 Rodgere Fudoton ug PO1 Sandy Baclay nakadawat og reklamo kabahin sa gihimo ni Alburo sa iyang singko-anyos nga anak.

Ang anak ni Alburo gitugyan ngadto sa Department of Social Welfare and Development (DSWD). Ang DSWD mipahiling usab sa bata sa Vicente Sotto Memorial Medical Center aron aduna kini igong basehan pagpasaka og kasong child abuse batok sa amahan niini.

Laing kasuhan og child abuse mao si Bombi Labajo, 34, nagpuyo sa Paradise Island, Looc human kini naaktuhan sa mga polis nga miligid og bunal og bakus sa iyang humablos.

Si Labajo gireklamo sa mga silingan tungod sa grabe niining pagpamun-og sa 6-anyos niining humablos nga babaye pinaagi sa pagbunal og bakus nga panit.

And DSWD miandam na karon og kasong child abuse batok ni Alburo ug Labajo.q