NFA dunay programa sa Central Visayas

Negros Oriental -Gipasalig sa dakong opisyal sa rehiyonal nga buhatan sa National Food Authority kon NFA nga adunay programa nga gipatuman karon ang ilang buhatan nga tabangan ang mga mag-uuma paghipos sa ilang abot sa umahan.

Si Regional Director Flo Pascual sa NFA-7 miingon nga mag-uuma ning probinsya libre nga makagamit sa ilang bodega aron ibutang ang ilang abot sa umahan ingon man binhi nga andam igtatanom.

Matud pa ni Pascual nga angayan nga pahimuslan sa mga mag-uuma kining tanyag sa ilang buhatan.

Nagkanayon si Pascual nga mao karon ang panahon sa pagpananom sa mga mag-uuma ilabi na gayud nga miabot na ang panahon sa ting-ulan.

Gumikan niini malaumon si Pascual nga makapalambo kini sa suplay sa bugas dinhi sa Central Visayas.

Hinuon una na nga mipahibawo si Pascual nga dili angayan nga mabalaka ang mga mulopyo sa tibuok rehiyon.

Gumikan kay matud pa niya adunay dugang pundo ang ilang buhatan sa mga panginahanglan sa mga konsumidor.

Lima ka adlaw gikan karon mo-implementar ang siyudad bahin sa waste segregation, aron muobos og 25% ang atong basura nga ilabay sa Inayawan. Ubos sa balaod ang siyudad maoy mokuha sa non-recyclable nga basura ug ang barangay maoy mokolekta sa recyclable nga basura sa ilang lugar. Paul Jun Rosaroso