Pabiling malinawon

Gipasalig sa kadagkuan sa kapolisan sa tibuok Central Visayas nga pabilin gihapon ang kamalinawon karon sa tibuok nga rehiyon.

Si Police Regional Office-7 chief Eduardo Gador mipasalig niini taliwala sa gikabalak-an nga adunay pipila ka grupo nga mupahimulos sa sitwasyon karon sa kaulohan.

Daghan ang nabalaka nga niining isyu nga gipaabot karon ni Presidente Gloria Macapagal- Arroyo bahin sa giingong pakighinabi niini sa usa ka dakong opisyal sa Commission on Election adunay muhimog mga kasamok.

Usa sa gikabalak-an mao ang paghimo niini nga kagubot dinhi sa Sugbo ug uban pa nga lugar.

Apan gipasalig sa kapolisan ingon man sa militar nga andam sila sa tanang higayon sa pakigbatok niini.

Gipasalig ni Gador nga ang kapolisan sa silinganang probinsya sa Bohol, Siquijor og Negros Oriental aduna nay mga pagpangandam nga gihimo.

Gawas niini nanawagan usab sila sa katawhan nga padayon ang ilang pagpaluyo sa kalihukan sa kapolisan.