Gen. coordinator sikop

Nadakpan sa kapolisan sa Basak Police Station sa Mandaue ang suspetsadong general coordinator sa masiao atol sa pagpang-ronda sa balay niini sa Alinsug, Basak, Mandaue.

Si Benjamin Demecillo, 47, nasakmitan og 11 ka tally sheets sa masiao nga adunay gi-tally nga nagkadaiyang kombinasyon sa numero sa masiao, mga galamiton ug salapi nga gituohang halin niini.

Matud ni Sr. Insp. Jovito Canlapan sa Intelligence and Investigation Section sa Mandaue City Police Office nagkanayon nga ang balay ni Demecillo gironda pinasikad sa search warrant nga giisyu ni MTCC Judge Wilfredo Dagatan. Kasong kalapasan sa balaod nga nagdili sa ilegal nga sugal ipasaka batok ni Demecillo.