Illegal fishing naghitak

Gikonpirmar sa dakong opisyal sa Bureau of Fisheries and Aquatic Resources kon BFAR nga nagpadayon pa gihapon karon ang ilegal nga pangisda sa nagkalain-laing mga lugar.

Hinuon gitataw sa kasamtangan nga director sa BFAR-7 Dionisio Dela Pena nga dili na gayud kini hinuon grabe itandi sa nangaging mga katuigan.

Matud pa ni Dela Pena nga ang mga opisyal lokal mao na karon ang gikinahanglan nga magpakita nga sila seryuso sa kampanya batok niini.

Gipasabot niya nga ang mga opisyal lokal mao na karon ang gitahasan sa paglusad sa maong kampanya.

Nagkanayon si Dela Pena nga kon dili magmatinud-anon ang mga opisyal lokal sa ilang gimbuhaton dili gayud mahunong kining ilegal nga pangisda.

Usa karon sa nabalaka pag-ayo sa naghitak nga ilegal nga pangisda mao ang kalungsoran sa probinsya sa Bohol.

Hinuon si Gobernador Erico Aumentado mimando sa kapolisan nga hingusgan ang kampanya batok niini.