Kadagatan limpiyohan

Tacloban City - Mga opisyal lokal sa nagkalain-laing mga lungsod sa probinsya sa Leyte milusad karon og kalihukan aron maseguro nga limpyo ang kadagatan sa ilang tagsatagsa ka mga lugar.

Gihimo kini sa mga opisyal lokal agi'g pagpaluyo sa kalihukan karong buwana nga gideklarar usab nga "environment month".

Nanawagan usab ang mga opisyal ngadto sa nagkalain-laing sektor nga mupaluyo sa maong kalihukan.

Nakita nila nga dako gayud kaayo og ikatampo ang nagkalain-laing sektor kabahin sa maong program.

Si Secretary Michael Defensor sa Department of Enviroment and Natural Resources kon DENR mihangop sa pagpakabana sa mga opisyal lokal kabahin sa pagpanglimpyo.

Matod pa ni Defensor nga gikinahanglan ipakita sa mga opisyal lokal nga sila nagpakabana bahin sa kalihukan sa kalikupan.