Ting-ulan gipangan-daman

Bohol -Giawhag ni Bise Gobernador Julius Caesar Herrera ang mga mag-uuma nga mohimo na usab sa ilang pagpangandam ilabi na gayud niining panahon karon sa ting-ulan.

Si Bise Gobernador Herrera mipadayag niini human niya makita nga ang panahon sa ting-ulan gikinahanglan gayud nga makahimo na sila sa pagpangandam.

Midugang si Herrera nga angayan nga magbantay mao kadtong nagpuyo sa daplin sa dagkong mga sapa.

Nagkanayon ang bise gobernador nga kaniadto adunay daghang mga panghitabo gumikan sa pagkusog nga ulan.

Ang kadaghanan sa mga nabiktima mao kadtong nagpuyo daplin sa dagat ingon man sa dagkong mga sapa.

Midugang si Herrera nga ang mga opisyal sa barangay og kalungsoran angayan usab nga magbantay kabahin niini .

SUPORTA. Si Presidente Gloria Macapagal-Arroyo (sentro) nagpakuha og hulagway sa mga magpapatigayon sa probinsya sa Leyte nga mipadayag sa suporta sa programa niini pagpalambo sa ekonomiya sa nasud.