Hall of Justice mobarug sa Talisay

Duha ka andana nga Hall of Justice sa dakbayan sa Talisay gikatakda nga ipabarog karong tuiga.

Adto kini tukoron sa 1,000 square meters nga luna likod sa city hall sa siyudad.

Si city administrator Aurora Econg sa dakbayan nagkanayon nga karong Lunes sunod semana gikatakda ang bidding sa nahisgotang proyekto sa dakbayan.

Matud pa ni Econg nga mihatag og P20.5 milyones ang Department of Justice (DOJ) para sa constructon sa maong proyekto.

Matud pa niya nga karong buwan sa Nobiyembre niining tuiga ang target nga mahuman ang construction sa Hall of Justice sa dakbayan.

Ug gikatakda usab nga inugurahan kini sa umaabot Buwan sa Disyembre niining tuiga.

Si Econg midugang nga ang kagamhanan sa dakbayan ang mo management sa construction sa proyekto ang DOJ maoy mogahin sa budget niini.