Mariculture palamboon

Tacloban City - Daghan sa mga negosyante nga Hapon ang mipadayag sa ilang kadasig sa pagbubo og puhunan sa dakbayan ingon man sa nagkalain-laing lugar sa probinsya kabahin sa patigayon sa mariculture.

Gipahibawo kini sa representante sa usa ka negosyante nga Hapon ngadto ni Gobernador Carlos Jericho Petilla nga mihangop sa kadasig sa mga negosyante.

Matud pa ni Gobernador Petilla nga nalipay siya kaayo nga adunay mga magpapatigayon nga mipadayag sa ilang kadasig sa pagbutang og patigayon sa iyang probinsya.

Giangkon sa gobernador nga ang probinsya karon nahimong inila sa laing lugar sa kaanindot sa lugar niini kabahin sa mariculture.

Gani ang kagamhanan sa dakbayan sa miaging semana mitagana man og dakong lugar sa kadagatan niini alang sa maong katuyoan.

Samtang si Gobernador Petilla sa iyang bahin malaumon nga matuman kining tinguha sa usa ka negosyante nga Hapon alang sa iyang probinsya.