Makati, Pasay handa na sa parada ni Megan Young

MANILA, Philippines – Isasara ang ilang pangunahing kalsada sa lungsod ng Makati at Pasay ngayong BIyernes upang bigyang daan ang homecoming parade ng kauna-unahang Pinay na Miss World na si Megan Young.

Sinabi ng Metro Manila Development Authority na magsisimula ang parade sa Petron gas station sa panulukan ng Gil Puyat Avenue at Makati Avenue mamayang alas-2 ng hapon.

Kakaliwa ang parade sa Ayala Avenue at kakanan sa Epifanio Delos Santos Avenue (EDSA).

Magtatapos ang parada ng Miss World 2013 sa Mall of Asia sa Pasay City.

Sinabi ng MMDA na magkakaroon ng pitong chariots ang parada, 20 Harley Davidson big bikes, Tagaytay City college band, Philippine Marines band, 10 vintage cars, ang MMDA band.