Maliliit at pribadong eroplano bawal na sa NAIA

MANILA, Philippines – Upang bahagyang lumuwag ang siksikang Ninoy Aquino International Airport (NAIA), ipinagbawal na ng Civil Aviation Authority of the Philippines (CAAP) ngayong Miyerkules ang mga maliliit at priadong eroplano sa paliparan.

"A memorandum order ordering all fish run operations to quit, to stop operating in Manila," sabi ni Captain John Andrews, CAAP deputy director.

"This order was transmitted by CAAP and we set up the Notice to Airmen effective today (July 31). Today, no fish run will be able to land or take off in Manila," dagdag ni Andrews.

Sinabi ni Andrews na isa lamang ito sa kanilang mga hakbang upang lumuwag ang air traffic sa paliparan.

Ang mga maaapektuhang eroplano ay inabisuhang gamitin na lamang ang Sangley Point sa Cavite.

Dalawang dayuhang airline ang naiulat na hindi binigyan ng puwesto as NAIA dahil hindi na kaya pa ng paliparan na tumanggap pa dahil sa siksikan.