PHL kailangan pa rin ng visa para makapasok sa Japan

MANILA, Philippines – Nilinaw ng embahada ng Japan sa Pilipinas na kailangan pa rin ng visa ng mga Pilipino upang makaapak sa “Land of the Rising Sun” taliwas sa mga ulat sa internet.

"Recently, false news have been circulating regarding the Japanese Visa for the Filipinos.  The news mentioned that Japan has lifted its Visa for the Philippines," pahayag ng embahada sa kanilang.

"The Embassy of Japan in the Philippines would like to clarify to the public that Japan has not lifted the visa exemption for the Philippines contrary to the recent reports," dagdag nito.

Pero sinabi ng embahada na papayagan na ng Japan na makakuha ng multiple-entry Visas ang mga Pilipino.

Ayon sa website ng Ministry of Foreign Affairs of Japan, napagdesisyunan ng gobyerno ng Japan na bigyan ng multiple-entry visa ang mga Pilipinong sandali lamang maninigilan sa kanilang bansa. Magsisimula ito sa Hulyo 1, kasabay ng pagdiriwang ng 40th ASEAN-Japan Friendship and Cooperation.

"The further development of Japan-Philippines exchange is expected as a result of the issuance of multiple entry visas, including increases in the number of tourist from the Philippines who visit Japan and the enhancement of the ease of business transactions between the two countries," nakasaad sa website.

Maaaring manatili ang mga Pilipino ng 15 araw sa Japan dahil sa multiply entry visa na maaaring gamitin sa loob ng tatlong taon.

Taliwas sa mga kumakalat na balita sa internet, Thailand at Malaysia lamang ang hindi na kailangan ng visa para makapasok sa Japan