Kasong kriminal sa PCG personnel sa Balintang shooting posible
June 7, 2013 | 5:19pm
MANILA, Philippines – Maaring makasuhan ang mga tauhan ng Philippine Coast Guard na na sangkot sa pamamaril sa Taiwanese fishing vessel na ikinamatay ng isang mangingisda sa Batanes, ayon sa National Bureau of Investigation (NBI) ngayong Biyernes.
Sinabi ni NBI Deputy Director Virgilio Mendez na isa ito sa mga bagay na pinag-aaralan nila na isasama sa kanilang report.
Pero nilinaw ni Mendez na kailangan pa nila mangalap ng karagdagang ebidensya para sa kanilang final report at rekomendasyon katulad ng medico-legal at ballistic reports mula sa Taiwan na isasalin pa sa wikang ingles dahil nakasulat ito sa Mandarin.
Nais din ng NBI na ibigay sa kanila ang mga balang nakuha mula sa pinagbabaril na barko.
Inaalam na rin ng NBI kung may record ang mga imbestigador ng Taiwan upang mapatunayan kung sino ang may hawak ng armas na ginamit sa pamamaril.
Hindi naman direktang sinabi ni Mendez kung makakapagpasa sila ng kanilang report kay Justice Secretary Leila De Lima sa susunod na linggo.
Aniya nakadepende ang draft o burador ng report sa mga papeles na hinihingi nila.
Dumating kahapon ang mga Taiwanese investigators upang makipagpulong sa kanilang counterparts.
Napagkasunduan ng dalawang bansa na magsagawa ng parallel investigation sa insidente noong Mayo 9, 2013 sa pagkamatay ng mangingisdang si Hung Shih-Cheng.
BrandSpace Articles
<
>
- Latest
- Trending
Trending
Latest
Trending
Latest
Recommended
22 hours ago
22 hours ago
1 day ago
1 day ago
