19 bahay wasak sa buhawi sa Zamboanga

MANILA, Philippines – Aabot sa 19 na kabahayan ang nasira sa panalasa ang isang buhawi sa isang barangay sa bayan ng San Pablo, Zamboanga del Sur, ayon pulisya ngayong Biyernes.

Sinabi ni Chief Inspector Ariel Huesca, tagapagsalita ng Police Regional Office 9 (PRO), winasak ng buhawi ang mga bahay na gawa sa light materials sa Barangay Marcos Village bandang 5:30 ng hapon nitong Miyerkules.

May 100 pamilya aniya ang naapektuhan ng buhawi, pero wala naman sa kanila ang nasugatan.

Hindi pa matukoy ng lokal na gobyerno ang halaga ng mga nasirang ari-arian sa lugar.

Samantala, nanalasa naman ang flashflood sa Sitio Timulan, Barangay Nazareth sa Kabasalan, Zamboanga Sibugay kahapon ng umaga dahil sa matinding buhos ng ulan.

Sinira ng flashflood ang mga kabahayn at pananamin sa lugar.