8 Pinoy na ang patay sa Algeria

MANILA, Philippines – Umakyat na sa walo ang bilang ng mga nasawing Pinoy sa hostage crisis sa Algeria, ayon sa Department of Foreign Affairs ngayong Biyernes.

Sinabi ng tagapagsalita ng DFA na si Raul Hernandez na ang overseas Filipino worker na napaulat na nawawala ay natagpuang wala nang buhay.

"Kagabi nakatanggap tayo ng isang ulat galing sa ating team sa Algeria...iyon namatay at positively identified ay walo na....iyon isa ay natagpuan na, isa na lang ang unaccounted for," sabi ni Hernandez sa isang panayam sa radyo.

Pero hindi pa rin pinangalanan ni Hernandez ang walong nasawi sa Algeria dahil na rin sa hiling ng kanilang mga kamag-anak.

Anang DFA, nangako na ang mga kompanyang pinagtatrabahuhan ng mga OFW na magbibigay ng tulong sa mga naiwang pamilya.