Killer ng PDEA agent arestado sa buy-bust

MANILA, Philippine – Dalawang pinagsususpetsahang tulak ng droga ang inaresto ng mga tauhan ng Philippine Drug Enforcement Agency (PDEA) sa isang buy-bust operation sa Misamis Oriental noong isang araw.

Kinilala ni PDEA chief Arturo Cacdac Jr. ang mga suspek na sina Mike Mapandi, 30, ng Pabayo-San Agustin Street, Cagayan de Oro City; at, Roberto Quimpo,56, wanted din sa probinsya ng Misamis Oriental.

Ayon kay Cacdac, nangunguna si Mapandi sa Order of Battle ng mga drug personalities sa Northern Mindanao, partikular sa probinsya ng Lanao del Norte.

Nahuli ang dalawang suspek ng mga operatiba ng PDEA Regional Office 10 sa isang buy-bust operation noong Disyembre 9 sa may kalsada ng Pabayo-San Agustin.

Nabawi mula sa dalawa ang anim na pakete ng shabu na may timbang na 11.6 gramo at isang motorsiklo.

"We had Mapandi under our radar for two years now. He is the primary suspect in the killing of one of our own, Agent Armand Tañeca, sometime in May 2010 during the conduct of a buy-bust operation in Barangay Saray, Iligan City. Since then, we never lost sight of him," sabi ni Cacdac.

"Mapandi’s younger brother, Abdulmanan, was likewise arrested a few meters away from a checkpoint along Mariano Badelles St. Poblacion, Iligan City on October 16, 2012. He was on his way from Marawi City to Iligan City on board a carnapped pick-up truck and was transporting 250 grams of shabu," dagdag ng hepe. Dennis Carcamo