Ate Flora(41)

“GUSTO mong pala­yasin kita ngayon din Ara?” sabing muli ni Tita Raquel habang katabi ang malditang  si Michelle na parang lasing na yata o na­ka­droga. Parang nag­bu­buhol na kasi ang pa­nanalita kanina.

Hindi ako suma­got.

“Huwag po Tita Ra­quel. Ako na po ang humihingi ng sorry sa ginawa ni Ara. Huwag mo po siyang pala­ yasin,” nag­mama­ ka­awang sabi ni Ate Flora. Kung maaari lamang e lu­muhod na ito sa ha­rap ni Tita Ra­quel.

“Ang tapang-ta­pang nitong kapatid mo e wala namang maika­ kaya. Akala yata kaya niyang ma­mu­hay dito sa Maynila, pwe!”

“Patawarin mo na po siya Tita.”

“Huwag Mommy, big­yan mo ng leksiyon ang malditang ’yan para mag­tanda. Akala yata e uubra siyang maghari-harian dito.”

“Ano ba ang ginawa sa’yo Michelle?”

“E sinagut-sagot ako at gusto akong saktan.”

Gusto kong suma­got sa kasinunga­li­ngang si­ nabi ni Mi­chelle. Hindi naman totoo na gusto ko siyang saktan. Siya nga ang nakaamba na ang kamay sa akin ka­nina para sampalin ako. Pero hindi na ako nag­salita pa dahil tiningnan na ako ni Ate na ang ibig sabihin ay huwag nang sumagot pa. Huwag nang luma­ban. Naalala ko ang si­na­bi ni Ate ka­ni­na na hin­di pa pana­hon para sa paglaban.

“Tarantada ’yan Mom­­my. Ke liit-liit e mata­pang. Sampalin kita diyan, bu­ wisit ka.”

Tiniis ko ang mura.

“Palayasin mo na ’yan, Mommy. ’Yang dala­ wang ’yan pala­yasin mo na dahil istor­bo lang sila sa atin.”

“Paano pag tina­nong ng daddy mo?”

“E di sabihin mong inaaway ako. O kaya sa­bihin mong nagna­na­kaw kaya pinalayas mo!”

Napakawalanghiya talaga ni Michelle. Napa­tangu-tango naman si Tita Raquel sa sinabi ng anak.

“Palayasin mo na Mommy!”

Nakiusap muli si Ate Flora. Umiiyak na.

“Huwag po, Tita!  Hin­di na uulitin ni Ara ang ginawa niya. Hindi na po siya lalaban kay Mi­chelle.

“Mga punyeta ang da­ lawang ito. Sagabal  sa buhay ko. Ito kasing Noel na ito, nananahi­mik kaming tatlo e kung bakit pinapunta rito   ang dala­wang ito. Mga buwi­­sit!”

Hindi ko makaya ang pagmumura ni Tita Ra­quel, Siguro kaya nasabi niyang istorbo kami ni Ate ay dahil sa gina­gawa niyang panla­lalaki. Baka matagal na niyang iniiputan si Tito Noel.

“Ikaw Ara ka ka­pag umulit ka pang laba­nan si Michelle, tala­gang kakalad­ka­rin kita sa labas at palala­ya­sin. Hindi na kita pata­tawarin, pun­yeta ka!”

“Salamat po Tita Raquel.”

Pero si Michelle nang tingnan ko ay naka­ ngi­sing-aso sa akin. Pa­rang may bina­balak si­yang ma­sama sa akin. Para bang ga­gantihan niya ako sa ibang mga araw.

(Itutuloy)