IBA nga kung babae ang nag-aasikaso sa mga pangangailangan ng lalaki. Palibhasa’y pareho kaming lalaki ni Kuya Felipe kaya walang pakialaman kahit na ano lang ang isuot gaya ng brief at medyas. Maski nga sa pagkain ay kung anu-ano na lang ang aming kinakain ni Kuya Felipe noon. Pero nang tumira sa amin si Ate Tet ay nabago ang lahat. Nagkaroon ng kaayusan sa aming bahay. Iba nga ang babae. Ngayon nga pati brief ko ay napalitan ng bago – dahil kay Ate Tet.
Kinabukasan ay maaga akong nagising. Nakasanayan ko na ang ganoon. Magsasaing, maglilinis ng bahay at kung may lalabhang damit ay gagawin. Pagkatapos ay maliligo. Kailangang maunahan kong maligo si Ate Tet sapagkat mabagal itong maligo.
Naalala ko ang binili naming brief kahapon. Iyon ang isusuot ko. Iyon ang utos ni Ate Tet. Itapon ko na raw ang lumang brief.
Mabilis akong natapos sa paliligo. Isinuot ko ang bagong brief. Nagbihis at kumain ng almusal. Nagto-toothbrush ako nang magising si Ate Tet.
"Kumain ka na?"
"Opo Ate."
"Yung bago mong brief ang isinuot mo?"
"Opo."
"Patingin."
Bantulot ako. Bakit kailangan pang pati yon ay tingnan.
"Huwag ka nang mahiya. Patingin kung bagay ang brief."
Sabagay ba’t ako mahihiya ay para ko na rin kapatid si Ate Tet.
Tinanggal ko ang siper ng pantalon ko at ibinuka, para makita ang brief.
"Wow bagay!" sabi at panakaw na tiningnan ang nakabukol sa harapan ko.
Hiyang-hiya ako. Mabilis kong itinaas ang pantalon.
"Yung medyas?"
"Suot ko na rin."
Saka lamang umalis sa harapan ko. Nagtungo sa banyo. Umihi. Narinig ko ang tila sipol na tunog.
Itutuloy