CEBU, Philippines - Gikataho nga gusto ni WBO welterweight champion Tim Bradley nga modawat og $10 million bugti sa iyang pagsugot sa pakigsangka pag-usab ni Filipino ring icon Manny Pacquiao.
Si Bradley giingon nga midemanda og $10 million nga mao na unya'y labing daku niyang fight purse sa tibuok karera niya isip pro boxer.
Si Bradley mipilde ni Pacquiao niadtong Agusto 2012 pinaagi sa usa ka kontrobersyal nga split decision diin daghan ang nagtuo nga si Pacquiao ang angay midaog.
“Ang problema as of last week, medyo malaki ang presyo na hinihingi ni Bradley. Almost $10 million ang gusto n'yang presyo,†matud pa sa Pinoy boxing analyst nga si Tolentino sa ABS-CBN News.com.
Si Tolentino nagkanayon nga lisud ang gipangayu ni Bradley ilabi na nga dili kaayo daku ang halin sa pay-per-view sa miagi nilang sangka ni Pacquiao niadtong tuig 2012.
Miingon si Tolentino nga kun adunay angayan mudawat og $10 million bugti sa pakigsangka ni Pacquiao kini mao si Juan Manuel Marquez nga mipilde pinaagi sa sixth round knockout ni Pacquiao. (BANAT NEWS)