CEBU, Philippines - Ang Manny Pacquiao-Juan Manuel Marquez 4, usa sa labing dakung away karong tuiga makita diha sa SM Cinema pinaagi sa "pay-per-view."
Sila si Pacquiao ug Marquez magsangka alang sa WBO "Champion of the Decade" karong Domingo (oras dinhi sa Pilipinas) didto sa MGM Grand Garden Arena sa Las Vegas, Nevada.
Gawas ni Pacquiao, pipila usab ka mga boksingerong Pinoy ang moaway sa undercard sama nila ni Mercito Gesta, Michael Farenas, Dennis Laurente ug Dodie Boy Peñalosa Jr.
Sugdan ang "pay-per-view" live via satellite sa alas-9 sa buntag didto sa SM diin mahimo nang makatan-aw sa away ni Pacquiao sa kantidad nga P200, libre niini ang usa ka hotdog sandwich, bottled water o juice ug usa ka limited edition Pacquiao-Marquez 4 shirt. (BANAT PALARO)