CABANATUAN CITY, Philippines – Patay ang isang 13-anyos na binatilyo makaraang maatrasan ng garbage truck ng city hall sa mismong tambakan ng basura sa Purok 1, Brgy. Valle Cruz ng lungsod na ito, kamakalawa ng hapon.
Idineklarang dead on arrival sa Dr. Paulino J. Garcia Memorial Research and Medical Center ang biktimang si Isaac Garcia, first year high school at nakatira sa Brgy San Isidro sa bayang ito.
Nakilala naman ang driver ng nakadisgrasyang garbage truck na si Dionisio Cabrera, alyas Jonie na tinutugis na ng pulisya matapos na tumakas.
Ayon sa pulisya, bandang ala-1:40 ng hapon ng aksidenteng maatrasan ng garbage truck na may marking “No 3” ang biktima na noo’y kasalukuyang naglalaro.
Ayon sa ina ng biktima na nakilalang si Marilyn Garcia, 47, may-asawa, isang vendor, nagulantang at nanlumo umano siya sa bilis ng pangyayari nang bigla umanong maatrasan ng naturang truck ang kanyang anak. Christian Ryan Sta.