BAGUIO CITY, Philippines – Naalarma ang mga doktor sa Government lalawigan ng Abra dahil sa patuloy na pagtaas ng bilang ng mga pasyente na may dengue.
Sa ulat ng Abra Provincial Health Office, umaabot na sa 395 kaso ng dengue kung saan lima-katao na ang nasawi simula pa noong Enero 2012.
Sa 395 kaso ay 258 ang nagpositibo sa dengue matapos ang laboratory test kung saan 137 naman ang suspek na may dengue base sa clinical diagnosis na hindi undergo sa laboratory examination, ayon kay Leila Bernal, Disease Surveillance officer.
Nabatid na 136 kaso ng dengue ay nagmula sa Bangued partikular na sa mga Barangay Agtangao, Poblacion kabilang na ang Zones 1, 5, 6 at 7.
Kabilang sa mga nasawi sa dengue ay mula sa bayan ng Danglas sa Brgy. Yuyeng habang isa naman ay mula sa bayan ng Pidigan at ang dalawa ay nagmula sa mga Brgy. Lagben, Lagangilang at Brgy. Zone 5 sa Bangued.
Gayon pa man, nanawagan si Dr. Darby Madriaga ng Bangued municipal health office sa mga opisyal ng lokal na pamahalaan at barangay na ipatupad ang ordinansa na nag-aatas sa lahat ng residente na panatilihing malinis ang kanilang kapaligiran partikular na ang mga posibleng breeding areas ng dengue-carrying mosquitoes.