BAYOMBONG, Nueva Vizcaya, Philippines – Nalalagay sa balag ng alanganin ang 37-anyos na konsehal ng barangay matapos makumpiska sa kanyang tahanan ang ibat-ibang uri ng armas, bomba, bala at bawal na droga sa isinagawang raid ng mga awtoridad sa Barangay Maura sa bayan ng Aparri, Cagayan kamakalawa. Kinilala ni Regional Director Juvenal Azurin ng Philippine Drug Enforcement Agency ang suspek na si Kagawad Jonald Villena. Nasamsam sa tahanan ng suspek ang M-16 Armalite Rifle; 3- shotgun, cal. 38 cal. revolver; homemade cal. 5.56 pistol, cal.45 pistol; 4 granada, ibat-ibang uri ng bala, 20 gramo ng shabu, mga aluminum foil, 2 surgical scissor at iba pang drug pharapernalia. Ayon kay Azurin, ang raid na isinagawa base sa search warrant na ipinalabas ni Judge Conrado Manauis ng Aparri Regional Trial Court Branch 8. Victor Martin at Raymund Catindig