MEYCAUAYAN CITY, Bulacan, Philippines – Ilang araw matapos na dukutin ng hindi pa nakikilalang mga suspek, nakapiling nang kanilang pamilya ang isang magpinsan matapos na matagpuan sa magkakahiwalay na lugar sa barangay sa lungsod na ito kamakalawa ng gabi.
Halos lumundag ang puso sa sobrang katuwaan ng mga magulang ng mga biktimang sina Amber Janine Carpio-Balbar, 3 anyos, anak ni Alma Carpio, 28 at Angeline Carpio, 4-anyos anak ni Frances Carpio, 26 pawang mga residente ng Saint Francis Subdivision, Brgy. Pandayan sa siyudad na ito .
Base sa ulat ni P/Supt.Hector Samar dakong alas 7:30 ng gabi ay tumawag sa kaniyang tanggapan ang Pulilan PNP hinggil sa natagpuang dalawang bata na namataang pagala-gala sa Brgy. Dampol 1st at Cut-cot na sakop ng bayang ito at dahil sa walang nakakakilala sa mga bata ay pansamantala itong kinalinga nina PO2 Lie Rosalando at Day Care Teacher Vivian Racines ng lokal na DSWD.
Dahil sa impormasyong natanggap ay agad na nagpunta ang police sa mga magulang ng mga biktima sa Pulilan at natagpuan ang mga bata na dinukot noong sabado.