QUEZON ,Philippines - Namatay habang ginagamot sa ospital ang isang 16-anyos na babaeng estudyante habang sugatan naman ang tatlong iba pa matapos na pagtatagain ng senglot kamakalawa ng gabi sa Barangay Villafuerte sa bayan ng Gumaca, Quezon kamakalawa ng gabi. Kinilala ng pulisya ang napaslang na si Myra Ferrer habang kritikal naman sina Rona Lacdao, 34; Shaena Ferrer, 5; habang si Anselmo Canela, 47, ay pinalabas na ng mga doktor dahil sa maliit lamang ang sugat. Samantala, tugis naman ng pulisya ang suspek na si Herbert Lubugin, 26, ng Barangay Gitnang Barrio sa bayan ng Gumaca. Ayon kay SPO2 Eman Orivida, lulan ng traysikel ang mga biktimang patungo sa Pitogo, Quezon nang mag-amok at managa ang suspek na senglot na nakasakay din sa trike.