BULACAN, Philippines — Tatlong kalalakihan na pinaniniwalaang sangkot sa serye ng pagnanakaw ng motorsiklo ang naaresto ng pulisya sa bahagi ng Barangay Taal sa bayan ng Bocaue, Bulacan kamakalawa ng gabi.
Pormal naman kinasuhan ang mga suspek na sina Dariel Fabian, 18; Albert Intino, 19; at Nixon Palatino, 27, pawang nakatira sa nasabing barangay. Si Fabian ay may nakabimbing kasong kriminal sa sala ni Judge Teodora Gonzales ng Malolos City Regional Trial Court Branch 14. Base sa ulat ni P/Supt. Elvis Diaz, ang mga suspek ay itinuturong tumangay ng motorsiklo ni Julius Sarmiento ng Brgy. Sta. Ana, Bulakan, Bulacan.