MANILA, Philippines - Nalambat ng pinagsanib na elemento ng militar at pulisya ang dalawang opisyal ng CPP-New People’s Army sa isinagawang operasyon sa bayan ng Mondragon, Northern Samar kahapon ng umaga. Kinilala ni Army Chief Lt. Gen. Arthur Ortiz ang dalawa na sina Elen “Ka Maan” Balanquit, opisyal ng Executive Committee ng Northern Samar Provincial Party Committee ng CPP-NPA at dating kalihim ng NSPPC; at Ivan Balanguit. Inaresto si Balanquit sa bisa ng warrant of arrest na inisyu ng Laoang Regional Trial Court sa Northern Samar. “Both top ranking CPP-NPA personalities in Samar Island are detained at the provincial police office in Catarman, Northern Samar for further investigation and filing of other criminal cases,” pahayag pa ni Ortiz.