MANILA, Philippines - Bumagsak sa kamay ng mga alagad ng batas ang isa pang suspek sa Maguindanao massacre noong Nobyembre 29, 2009 na ikinasawi ng 57-katao kabilang ang 32 mediamen sa isinagawang follow-up operation sa Brgy. Limpogo sa bayan ng Datu Hoffer, Maguindanao kahapon ng umaga.
Base sa report, kinilala ang nasakoteng suspek na si Theng Sali alyas Abdullah Abdulkahar.
Dinakip si Abdulkahar sa bisa ng warrant of arrest na inisyu ni Quezon City Regional Trial Court Branch 221 Judge Jocelyn Solis Reyes.
Nahaharap sa kasong multiple murder si Sali at napag-alamang may patong na P250,000 reward money kapalit sa kanyang pagkakaaresto.
Sa tala ng PNP, aabot na sa 197 akusado sa Maguindanao massacre, 87 na ang naaresto.