IBA, Zambales , Philippines – Isang most wanted person sa kasong illegal drugs ang napatay habang sugatan sa tama ng bala ang hepe ng pulisya sa bayang ito kahapon ng madaling araw. Ayon sa report kinilala ang wanted na napatay na si Sarip Lambino ng Brgy. Lipay Dingin, sugatan naman Senior Inspector Gilbert Diaz, hepe ng pulisya dito. Naganap dakong alas-12:30 ng madaling-araw kahapon sa kahabaan ng National highway sa Brgy. Lipay Dingin habang si Diaz at ang tauhan nitong si PO3 Dennis Dagsan ay rumoronda sa buong bayan ng mapansin nila ang isang lalaki na naglalakad mag-isa sa harap ng Brgy. Hall na agad nilang nilapitan upang tanungin. Gayunman, kumaripas ito ng takbo kasabay nang pagbaril sa mga pulis na ikinasugat ni Diaz. Nakipagpalitan ng putok si Dagsan hanggang sa tamaan ang suspek na ikinamatay nito.