MANILA, Philippines – Rehas na bakal ang binagsakan ng apat na rebeldeng Moro Islamic Liberation Front makaraang maaresto ng mga operatiba ng Criminal Investigation and Detection Group at Army’s 73rd Infantry Battalion sa bisinidad ng Barangay Wali, sa bayan ng Maitum, Sarangani kamakalawa ng umaga.
Sa bisa ng warrant of arrest na inisyu ni Judge Jaime Infante ng Alabel Regional Trial Court Branch 38, dinakip ang mga suspek na sina Dido Binago alyas Kumander Abu Sukor ng 105th Brigade Command ng MILF rouge elements sa Palimbang, Sultan Kudarat; Ryan Binago, Amerson Esmael, at si Edwin Icat.
Ang mga suspek ay may mga kasong murder, destructive arson, arson, at robbery with violence.