CAVITE, Philippines – Napaslang ang isang 61-anyos na negosyante makaraang tambangan ng mga ‘di-kilalang lalaki sa bisinidad ng Barangay Poblacion sa bayan ng General Trias, Cavite kamakalawa. Napuruhan sa ulo si Benildo “Benny” Pulido, may-ari ng construction firm at nakatira sa Manggahan Compound, sa Barangay Sapa I, Rosario, Cavite. Lumilitaw na lulan ng pulang Toyota Hi-Lux (URE 125) ang biktima nang dikitan at ratratin ng motorcycle-riding gunmen.