CAMP SIMEON OLA, Legazpi City, Philippines – Isa na namang barangay chairman na pinaniniwalaang nagbibigay ng impormasyon sa pulisya kaugnay ng operasyon ng mga rebeldeng New People’s Army ang pinagbabaril hanggang sa mapatay sa bisinidad ng Sitio Mahaba Isla, Barangay Dayhagan sa bayan ng Aroroy, Masbate kamakalawa ng gabi. Napuruhan sa ulo si Chairman Vicente Lacbayog ng nabanggit na barangay. Tatlo sa limang rebelde ng suspek sa pamamaril ay nakilalang sina Ka Jeepy, Rico “Renz” Nunez, Jodito “Toto” Rojo. Base sa police report, nakatayo ang biktima sa bakuran ng kanyang tahanan nang isagawa ang pamamaslang. Kaswal na naglakad palayo ng crime scene ang mga armadong lalaki matapos isagawa ang krimen.