CAMP SIMEON OLA, Legazpi City, Philippines – Nasa malubhang kalagayan ang labing isang pulis makaraang bumaliktad ang kanilang patrol car sa highway ng Barangay Curvada sa bayan ng Cataingan, Masbate kamakalawa ng gabi.
Kabilang sa mga pulis na naisugod sa Cataingan District Hospital ay sina P/Insp. Ferdinand Flebie Aterrado, PO1 Moises Panes, PO1 Noel Huelva, PO1 Leo Almario II, PO1 Meliton Malana, PO1 BJ Azarcon, PO1 Jojo Lanuzga, PO1 Christopher Bacolod, PO1 Femy Labisto, PO1 Jefferson Pascua, at si PO1 Armando Latap, pawang mga nakatalaga sa 1st Maneuver Platoon ng Masbate PPSC.
Ayon sa ulat na nakarating kay P/Chief Supt. Cecilio Calleja Jr. lumilitaw na patungong Cataigan Port ang mga biktima nang sumabog gulong sa likuran ng sasakyan.Dito na nagpagulung-gulong ang patrol car saka bumaliktad sa highway.