CAVITE, Philippines — Halos masunog ang buong katawan ng tatlong kabataan matapos tamaan ng matalim na kidlat sa bahagi ng Barangay Lantic, sa bayan ng Carmona, Cavite kamakalawa.
Kinilala ni P/Chief Insp. Armandy Dimabyu, hepe ng Carmona PNP ang mga nasawi na sina Jonnel Tiofilo Lofranco, 12; Romeo Sangarios Jr. 14; at Edwin Ormandoc 13, pawang mag-aaral sa elementarya at nakatira sa Phase 4, Barangay Milagrosa sa nasabing bayan.
Bandang alas-7 ng umaga nang matagpuan ang mga bangkay ng tatlo sa gilid ng punong mangga kung saan huling namataang buhay na magkakasama noong Sabado ng gabi.