BATANGAS, Philippines — Patay ang 59-anyos na dating empleyado ng National Power Corporation (Napocor) sa panibagong karahasang naganap sa bayan ng Balayan matapos pagbabarilin ng hindi pa nakikilalang suspek kahapon ng umaga.
Kinilala ni Chief Inspector Manuel Castillo, Balayan Police Chief ang biktimang si Ramon Moreno, residente ng Barangay Balibago, Calatagan, Batangas, ex-NPC employee at may-ari ng isang transport service.
Bandang alas-8 ng umaga ng mangyari ang insidente habang nakatayo ang biktima sa harapan ng kaniyang Hyundai van matapos ihatid sa Montessori School ang estudyante nitong anak sa Brgy. Ermita sa Balayan.
Matapos ang pamamaril tinangay pa ng mga suspek ang sasakyan ng biktima bago inabandona sa Barangay Gumamela sa bayan din ng Balayan. Nagtamo ng apat na tama ng bala ng baril ang biktima na naging dahilan ng kanyang agad na kama tayan.