KIDAPAWAN CITY, Philippines — Napaaga ang kamatayan ng mag-amang lulan ng kotse makaraang pagbabarilin ng mga ‘di-pa kilalang lalaki sa kahabaan ang highway ng bayan ang Isulan, Sultan Kudarat noong Miyerkules ng hapon. Lumilitaw na lulan ng Honda CRV (LEB 762) ang mag-amang Peter Peralta, kandidatong board member sa ilalim ng Nationalist People’s Coalition at Felvajar nang ratratin motorcycle-riding gunmen habang papasok ng compound ng kapitolyo sa Barangay Kalawag. Kahit sugatan ay nagawang pang patakbuhin ang kanilang sasakyan patungong kampo ng pulisya sa Tacurong City. Naisugod pa ang mag-ama sa Sultan Kudarat Doctors Hospital subalit ideneklarang patay.